Sinentensyahan ng sampung taong pagkabilanggo ang dating Prime Minister ng Pakistan na si Imran Khan dahil sa paglalabas ng mga sekreto ng estado.
Ayon sa political party ni Khan na Pakistan Teh-Reek-E-Insaf, kasamang hinatulan ng kaparehong sentensya ang dating Foreign Minister na si Shah Mehmood Qureshi.
Pareho nang nakakulong ang dalawa matapos namang ma-convict sa mga kasong katiwalian.
Sa tinaguriang “cypher case,” inakusahan si Khan na nag-leak ng encrypted diplomatic cable na isinulat ng isang Pakistani diplomat noong March 2022, batay sa meeting kasama ang isang opisyal ng US state department.