Ikinasal na si dating New Zealand Prime Minister Jacinda Ardern sa kanyang longtime partner na si Clarke Gayford sa isang pribadong seremonya.
Sa wakas ay natuloy din ang kanilang pag-iisang dibdib makaraang ikansela ang seremonya bunsod ng mga paghihigpit na ipinatupad ni Ardern sa kanilang bansa dahil sa covid-19 pandemic.
Ang kwarenta’y tres anyos na si Ardern at kwarenta’y syete anyos na si Gayford ay na-engage noong may 2019, at ikakasal sana noong unang bahagi ng 2022, subalit hindi natuloy bunsod ng “Go Hard, Go Early” approach sa pandemic, upang maiwasan ang paglobo ng bilang ng mga namamatay sa New Zealand dahil sa covid-19.
Sa kanyang final speech sa parliament, sinabi ni Ardern kay Gayford na magpakasal na sila.
Ang newly-wed couple ay mayroon nang limang taong gulang na anak na babae.
