Isang dating hepe ng Philippine National Police (PNP) ang umano’y tumulong para makalabas ng bansa si dismissed Bamban, Tarlac Mayor Alice Guo.
Ito, ayon kay PAGCOR official Raul Villanueva, nang tanungin ni Senador Risa Hontiveros, sa pagpapatuloy ng pagdinig ng senado sa illegal Philippine Offshore Gaming Operators (POGO).
Sinabi rin ni Villanueva na batay sa intel report, may ilang ding matataas na opisyal ng Bureau of Immigration ang sangkot sa pagtakas ni Guo.
Idinagdag ng PAGCOR official na mayroong usap-usapan sa loob ng intelligence community tungkol sa mga posibleng sangkot, bagaman wala pang kumpirmasyon, at isinasailalim pa sa validation ang mga impormasyon.
