IBINUNYAG ni Resigned Congressman Zaldy Co ang bago umanong plano sa kaniya ng Administrasyong Marcos.
Sa bagong video na ibinahagi ni Co sa kaniyang Facebook page, sinabi nitong palalabasin ng pamahalaan na isa siyang terorista para matiyak na mapapatahimik na siya at malibing kasama niya ang mga impormasyong kaniyang nalalaman.
Muli ring iginiit ni Co na hindi siya makauwi dahil sa tindi ng banta sa kaniyang buhay.
Pero hindi umano siya hihinto sa kaniyang mga rebelasyon dahil mahalagang malaman ng taong bayan ang katotohanan.
Samantala, itinanggi ni Resigned Congressman Zaldy Co ang pahayag ni Dating DPWH District Engineer Henry Alcantara na aabot sa 21 billion pesos na kickback ang kaniyang naibulsa.
Sa kaniyang panibagong video, sinabi ni Co na mula taong 2022 hanggang 2025 mayroong dumaan sa kaniya na kabuuang 56 billion pesos.
