ISINUGOD sa ospital si Dating Negros Oriental Rep. Arnolfo “Arnie” Teves Jr., kahapon ng umaga, bunsod ng matinding pananakit ng tiyan.
Ayon sa abogado ni Teves na si Ferdinand Topacio, simula hatinggabi ay namimilipit sa sakit ng tiyan ng kanyang kliyente habang nakakulong sa Camp Bagong Diwa.
Idinagdag ni Topacio na halos lumuhod ang dating mambabatas sa pagmamakaawa para magamot sa ospital, subalit hindi mapagbigyan ng BJMP personnel ang hiling nito dahil sa “protocol.”
Hindi naman binanggit ng abogado ang pangalan ng ospital bunsod ng security reasons.
