INAMIN ni Daniel Padilla na sa umpisa ay atubili siyang tanggapin ang alok na gumanap bilang Andres Malvar sa Action-Drama Series na “Incognito.”
Sinabi ng aktor na mayroon siyang mabigat na pinagdadaanan sa buhay bago siya nakasama sa cast ng naturang TV Series.
Ginawa ni Daniel ang pag-amin, matapos isiwalat ng co-star na si Maris Racal na iniligtas ng Incognito ang kanyang buhay.
Inihayag ng actor-singer na nasa punto siya ng buhay niya na kalat-kalat ang takbo ng kanyang isip at litung-lito bago niya tinanggap ang proyekto.
Hindi na binanggit pa ni Daniel ang rason kung bakit siya “feeling lost” siya nang mga panahong iyon, bagaman ipinalabas ang Action-Drama, dalawang taon matapos silang maghiwalay ng longtime girlfriend at onscreen partner na si Kathryn Bernardo, makaraan ang labindalawang taong relasyon.
