Northern Samar, target magtayo ng karagdagang Dialysis Centers katuwang ang Private Partner

PLANO ng Northern Samar Provincial Government, katuwang ang Tres Medica Inc. – isang Healthcare Provider, na magtayo ng Dialysis Centers sa lalawigan.

Sinabi ni Jhon Allen Berbon, head ng Provincial Economic Development and Investment Promotions Office (PEDIPO), na inilipat nila ang kanilang focus sa Healthcare Sector, at pinag-usapan ang posibleng partnerships para dalhin ang kanilang mga serbisyo sa probinsya.

Aniya, sa pamamagitan ng pakikipag-partner sa Pribadong Sektor para sa pagtatayo ng mas maraming Dialysis Centers, hindi na kailan pang bumiyahe ng malayo ng mga pasyente at magtiis sa mahabang pila para tumanggap ng kinakailangang serbisyong medikal.

Sa inisyal na plano, magbubukas ng tatlong Dialysis Centers sa Catarman, at sa mga bayan ng Allen at Laoang.