DALAWANG aktibong miyembro ng New People’s Army (NPA) ang sumuko sa militar sa Eastern Samar.
Nakatanggap ng impormasyon ang 78th Infantry Battalion mula sa isang alyas Apolonio na dating yunit militia member ng npa, na dalawa pang rebelde ang nagtatago sa Barangay Abejao, sa bayan ng Salcedo.
Ayon kay Lt. Col. Joseph Bugaoan, Commander ng 78th IB, narekober din sa operasyon ang iba’t ibang armas at gamit sa pakikidigma, gaya ng dalawang M16 rifles, dalawang M14 rifles, isang M1903 caliber .30 springfield rifle, at isang AK-47 rifle.
Ang mga naturang indibidwal ay sangkot sa pakikipagbakbakan sa tropa ng pamahalaan noong July 25, 2024, sa Barangay Osmena, sa General Macarthur, kung saan napaslang ang kanilang leader na si Joel Guarino, alyas Duran.
