DALAWA katao ang nasugatan sa sumiklab na sunog sa residential area sa Sta. Cruz, Maynila.
Isang fire volunteer at isang residente ang kapwa nagtamo ng minor injuries, sa sunog na umabot sa ikalawang alarma.
Ayon sa Bureau of Fire Protection (BFP), siyam na kabahayan ang naapektuhan ng sunog sa Milagros Street, sa Barangay 317.
Kabuuang dalawampu’t apat na pamilya ang nawalan ng tirahan sa sunog na inaalam pa ang pinagmulan.
Tinaya naman sa animnaraang libong piso ang halaga ng mga natupok na ari-arian.
