Pilipinas at China, nagkasundo para sa paghahatid ng supplies sa mga naka-destinong sundalo sa BRP Sierra Madre

Pumayag ang Pilipinas at China sa isang arrangement o kasunduan para sa pagre-resupply sa mga sundalong naka-destino sa West Philippine Sea, kasunod ng mararahas na komprontasyon sa pinagtatalunang teritoryo.

Ayon sa Department of Foreign Affairs (DFA), nagkasundo ang Pilipinas at China na magkaroon ng provisional arrangement para sa resupply ng mga pangangailangan at rotation mission sa BRP Sierra Madre sa Ayungin Shoal.