7 February 2025
Calbayog City
Local

Cybercrime Office, pagtutukuron sa NBI Eastern Visayas

cybercrime office

Mahitungod san nagtitikahitaas nga ihap sin mga kaso parte cybercrimes, mag-aabre sin Cybercrime Office an National Bureau of Investigation o’ NBI dinhe sa Eastern Visayas.

Ine an igin-anunsyo ni NBI Regional Director, Atty. Emeterio Dongallo, Jr. durante san ginbuhat nga Kapihan sa Bagong Pilipinas.

Sumala pa kan Director Dongallo, ine in kaparte san modernization program san NBI Regional Office kun diin magtitindog sin bag-o nga office building ngan pag-aaydon an daan nga building san NBI sa Tacloban.

Usa san mga opisina nga idudugang amo an Cybercrime Office nga amo an direkta nga mag-tatagad san mga kaso nga igin-papasaka parte cybercrime.

Sumala kan Director Dongallo, mas magigin madali para san NBI nga ma-aksyunan an mga cybercrime cases mahitungod kay may-ada naman espesyal nga opisina nga amo an mag kakapot san sugad nga mga kaso.

Igindugang pa san opisyal nga may-ada na gihapon pondo nga igin-gahin para san mga office equipment ngan mga agents nga magkakapot san Cybercrime Office.

ricky
A seasoned broadcast journalist, a former news reporter/anchor of Inquirer Television/Radio Inquirer-Manila under the Inquirer Group of Companies (IGC).