NANINDIGAN hanggang sa huling segundo ng laro ang Converge para talunin ang Phoenix sa score na 92-83.
Ito’y para maitala ng Fiberxers ang kanilang unang panalo sa PBA Season 49 Philippine Cup, kagabi, sa Ninoy Aquino Stadium.
Dahil naman dito, bumagsak ang Fuel Masters sa 0-2 sa conference matapos buksan ang kanilang kampanya sa pamamagitan ng talo sa Terrafirma.
Pinangunahan ni Alec Stockton ang Converge sa kanyang 18 points habang nag-ambag si Justin Arana ng 10 points at 10 rebounds.
