TULOY ang imbestigasyon ng COMELECsa posibleng criminal liability ni dismissed Bamban, Tarlac Mayor Alice Guo bunsod ng paglabag sa election laws.
Inihayag ni COMELEC Chairman George Garcia na hindi maaapektuhan ng desisyon ng Office of the Ombudsman ang material misrepresentation case laban sa pinatalsik na alkalde.
Ipinaliwanag ng Poll Chief na ang kaso ni Guo sa Ombudsman ay administrative in nature, habang ang kinakaharap nito sa COMELEC ay Criminal Complaint.
Sakaling mapatunayang guilty si Guo sa misrepresentation charges, sinabi ni Garcia na posibleng makulong ang dismissed mayor ng isa hanggang anim na taon.
