Pangulong Marcos, nangakong susuportahan ang Pinoy athletes sa muling pagbubukas ng PhilSports Complex

Ginawa ni Pangulong Marcos ang pangako sa reopening ng PhilSports Complex sa Pasig City, kung saan binigyang diin niya ang kahalagahan ng sports sa nation building.

Inihayag ng punong ehekutibo na wala nang iba pang aktibidad na nagpapatibay ng karakter kundi sports, lalo na sa kabataan, dahil manalo o matalo, makatutulong ito para sa pagbuti ng isang tao. Makikita rin aniya ang kahalagahan ng sports sa kakayahan nito na pagbuklurin ang bansa, gaya ng ginawa nina Manny Pacquiao at Carlos Yulo.