NANAWAGAN ang China ng agarang aksyon sa nagpapatuloy na digmaan sa Gaza kasabay ng pagdating ng Muslim Majority Nations sa Beijing.
Sinalubong ni Chinese Foreign Minister Wang Yi ang mga opisyal mula sa Saudi Arabia, Jordan, Egypt, Palestinian National Authority at Indonesia.
Ayon kay Foreign Minister Yi, kailangang makapagpatupad na ng epektibong hakbang upang mapigilan na kumalat at lumala pa ang nasabing kaguluhan sa pagitan ng Israeli Defense Forces at Militanteng Grupong Hamas.
Hinimok naman ng China ang bawat delegasyon na makipag- tulungan upang mapabilis ang paghupa ng giyera.
