PASOK na ang Chery Tiggo sa quarterfinals ng 2025 Premier Volleyball League All-Filipino Conference matapos talunin ang Farm Fresh, sa PhilSports Arena, sa Pasig City.
Pinadapa ng Crossovers ang Foxies sa kanilang play-in match sa score na 29-27, 15-25, 25-22, at 25-21.
Tinapos ng Chery Tiggo ang kanilang play-in sa record na 2-1, matapos ma-sweep ang Nxled Chameleons noong nakaraang Huwebes.
Itinanghal naman ang veteran spiker na si Ara Galang bilang Player of the Game makaraang makapagtala ng 20 points, sa pamamagitan ng 16 kills, three blocks, at one ace.
Dahil dito, aabante ang Crossovers para makalaban ang top-seeded na Creamline sa quarterfinals.
