29 an aktibo nga kaso san HIV (Human Immunodeficiency Virus) sa pagkayana sa Calbayog City.
Ini in sumala kay Joy Cuizon san City Health Office san pakighinangraw sa DNB with the Chief Executive Program, adlaw san Sabado, July 13, 2024.
Ini nga pigura in nahipatik sa record san City Health Office san Calbayog tikang sadton tuig 2017 hasta yanga nga July 2014.
Sumala pa kan Cuizon nga ini nga 29 nga mga indibiduwal in presinte nga nagpapailarom san medication pinaagi san treatment hub san Calbayog.
Guin aghat liwat ni Cuizon adton sexuality active individuals nga magpatest kontra san HIV kay libre man ini nga guin dudumara san mga treatment hub kaparehas san City Health Office.
Kun naawod naman, poydi liwat magpa test sa gawas san Calbayog City, parehas sa Catarman, Northern Samar o sa Catbalogan City. Guin siguro ni Cuizon nga highly confidential an resulta san eksaminasyon.
Guin asoy liwat ni Cuizon nga kinahanglan gud magpa screening san mga sexually active individuals, labi na adton nakikipag hilawas sa iba-iba nga sexual partners tungod kay diri dayon nahihibaruan an mga sintomas san HIV.
Depende san immune system san infected individual, naabot danay tulo kabulan o tuig antis gumawas an mga sintomas kaparehas san trangkaso, rashes, ubo, sip-on ngan iba pa.
