Calbayog bishop, hinikayat ang lahat na maging instrumento ng pag-asa at pagbabago sa lipunan

HINIKAYAT ni Calbayog Bishop, Most Reverend Isabelo Abarquez ang mga deboto na yakapin ang totoong pagbabago hindi lamang sa panlabas kundi sa malalim na transpormasyon, sa pamamagitan ng pagpili sa panginoon, higit kaninuman.

Sinabi ng obispo na sa Pilipinas, kung saan mas nangingibabaw ang graft and corruption kaysa sa tiwala at dignidad, at kung saan ang pagkakawatak-watak ay nagpapahina sa pag-asa, mas naging urgent at solido ang panawagan ng nagdaang Semana Santa.