NALAGPASAN ng Bureau of Customs (BOC) ang kanilang revenue collection target para sa unang walong buwan ng 2024.
Sa statement, sinabi ng BOC na naka-kolekta sila ng 614.781 Billion Pesos simula enero hanggang Agosto.
Lagpas ito ng 0.9 percent o 5.189 Billion Pesos mula sa kanilang collection goal na 609.592 Billion Pesos. Sa buwan lamang ng Agosto, naitala sa 78.908 billion pesos ang koleksyon ng BOC na mas mababa sa target nila na 80.945 billion pesos bunsod ng mga pagbabago sa polisiya.
