ITINANGHAL sina Bryan Bagunas at Eya Laure, dalawa sa pinakamaningning na volleyball stars ng bansa, bilang ambassadors sa pagho-host ng pilipinas sa 2025 FIVB Men’s World Championship sa setyembre.
Inanunsyo ito ng Philippine National Volleyball Federation (PNVF) kahapon, ilang buwan na lamang ang nalalabi para sa prestihiyosong global event na gaganapin sa bansa sa kauna-unahang pagkakataon.
Sina Bagunas at Laure ay kapwa icons ng sport na nagsilbing kinatawan ng bansa sa international stage.
Si Bagunas ay bahagi ng national team na nakasungkit ng makasaysayang silver medal noong 2019 Southeast Asian Games habang si Laure ay bahagi ng national women’s team sa ilalim ni head coach Jorge De Brito.
