DUMATING sa Pilipinas ang Albanian-Pop Star na si Dua Lipa bago ang kanyang concert, at naispatang namamasyal kasama ang kanyang British Actor boyfriend na si Callum Turner, sa Intramuros, Maynila.
Nakuhanan ng litrato ng isang netizen sina Dua at Turner habang magka-holding hands na naglalakad sa isa sa mga sikat na pasyalan sa bansa.
Kagabi ay nag-perform ang pop star para sa Manila leg ng kanyang “Radical Optimism” Tour, sa Philippine Arena, sa Bulacan.
Si dua na nakilala sa kanyang hit songs na “Levitating,” “Don’t start now,” “New Rules,” at “Houdini,” ay magkakaroon din ng shows sa Japan, Taiwan, Malaysia, Thailand, at South Korea.
