BINI Management, idedemanda ang mga nagpapakalat ng ‘deepfake’ photos at videos ng girl group

Nakasaad sa official account ng grupo sa kanilang social media pages, na kumikilos na ang kanilang team para maalis ang mga account, at nakikipag-ugnayan na rin sila sa proper government agencies at authorities para matukoy ang mga indibidwal na nasa likod ng iligal na gawain.

Idinagdag ng management na ang kaligtasan at at kapakanan ng nation’s girl group ang kanilang “top priority.” Patuloy umano nilang babantayan at aaksyunan ang anumang uri ng exploitation o harassment.