Idineklara na sa state of calamity ang lalawigan ng Biliran sa gitna ng safety concerns na dulot ng pangunahing tulay na nag-uugnay sa mainland Leyte.
Inaprubahan ng sangguniang panlalawigan na gamitin ng provincial government at concerned agencies ang calamity fund, kasunod ng pagkakadiskubre sa mga nasirang bahagi ng Biliran bridge.
Layunin ng deklarasyon na ipatupad ang price control measures para ma-stabilize ang halaga ng mga produkto, serbisyo, at bilihin; tulungan ang mga apektadong sektor, kabilang ang mga nasa trade and logistics; at magpatupad ng agarang repairs at enhancements sa alternative transportation routes.
Bago mag-pasko ay pansamantalang ipinagbawal ang pagtawid ng mabibigat na sasakyan sa Biliran bridge bunsod ng hindi pangkaraniwang pag-uga ng tulay.
