Nagbanggaan ang barko ng Pilipinas at China malapit sa Ayungin Shoal, ayon sa China Coast Guard (CCG).
Gayunman, tikom ang bibig ng Philippine Coast Guard (PCG) at National Task Force on the West Philippine Sea (NTF-WPS) hinggil sa umano’y pinakahuling resupply mission.
Ayon sa CCG, ang Philippine supply ship ang lumapit sa Chinese ship.
Iligal din umanong pinasok ng barko ng Pilipinas ang katubigang malapit sa second Thomas Shoal o Ayungin Shoal at binalewala ang paulit-ulit na babala ng China.
Walang nabanggit sa statement kung mayroong nasugatan o napinsala mula sa dalawang barko bunsod ng banggaan.