PATAY ang isang barangay kagawad makaraang pagbabarilin sa loob ng pag-aari nitong karinderya, sa bayan ng San Ildefonso, sa Bulacan.
Kinilala ang biktima na si Joel Alvaro, singkwenta anyos, kagawad sa barangay Sumandig.
Ayon sa pulisya, magsasara na sana ng karinderya si Alvaro nang dumating ang gunman na nagpanggap na customer.
Nang pumasok sa tindahan ang biktima ay sinundan ito ng suspek saka limang beses na binaril.
Politika ang isa sa mga tinitingnang anggulo ng mga otoridad sa naturang pamamaslang.
