INANUNSYO ng lokal na pamahalaan ng Arteche sa Eastern Samar na magsisimula nang mag-operate ngayong buwan ang bagong tayong halfway house na Susan E-Center o Sustainable-Nutrition and Nanay Empowerment Center.
Sinabi ni Arteche Vice Mayor Rolando Boie Evardone na magsisilbi ang pasilidad bilang pansamantalang kanlungan ng mga buntis, partikular ang mga galing sa malalayong komunidad na malapit ng manganak.
ALSO READ:
Aniya, ang mga ina na malapit nang magsilang at walang matutuluyan habang naghihintay ng kanilang panganganak ay maaring pansamantalang tumira sa center sa loob ng hanggang isang linggo, depende sa kanilang scheduled delivery.
