NAG-sorry ang Pinoy Lead Vocalist ng american band na “Journey” na si Arnel Pineda, bunsod ng hindi magandang performance nito sa Rock in Rio Music Festival sa Rio De Janeiro, sa Brazil.
Sa kanyang post sa facebook, pinasalamatan ni Arnel ang mga taong sumusuporta sa kanilang banda, kasabay ng pag-amin ng kanyang hindi magandang performance sa Brazil Concert.
Sa video, makikita na nahirapan ang pinoy singer na abutin ang mataas na tono ng kanilang hit song na “Don’t Stop Believin.”
Inamin din ni Arnel na nag-suffer siya, emotionally and mentally, saka tinanong ang fans kung dapat pa ba siyang manatili sa banda o hindi na.
2007 nang maging lead singer ng Journey si Arnel matapos umalis ang dating lead vocalist ng banda na si Jeff Soto.
