Archie Alemania, inisyuhan ng warrant of arrest kaugnay ng Acts of Lasciviousness na isinampa ni Rita Daniela

NAGLABAS ng warrant of arrest ang Bacoor City Municipal Trial Court sa Cavite laban sa aktor na si Archie Alemania kaugnay ng kasong Acts of Lasciviousness na isinampa laban sa kanya ng singer-actress na si Rita Daniela.

Sa order na may petsang March 18, nakasaad na maaring mag-piyansa si Archie ng 36,000 pesos.

Inihain ng Bacoor Prosecutor’s Office ang naturang kaso laban sa aktor noong Marso matapos makakita ng “Prima Facie Case with Reasonable Certainty of Conviction” sa reklamo ni Rita.