IBINALIK ang leader ng Kingdom of Jesus Christ (KOJC) na si Apollo Quiboloy sa Pasig City Jail male dormitory matapos sumailalim sa gamutan sa ospital para sa pneumonia.
Ayon kay Jail Supt. Jayrex Bustinera, tagapagsalita ng Bureau of Jail Management and Penology (BJMP), inilipat pabalik ng kulungan si Quiboloy noong miyerkules ng gabi
Ito’y matapos mabigyan ang KOJC founder ng medical clearance kasunod ng ilang linggong pagkaka-ospital bunsod ng respiratory ailment.
Sinabi ni Bustinera na unang dinala si Quiboloy sa Rizal Medical Center noong Jan. 18 makaraang mahirapang huminga, at na-diagnose na may pneumonia saka inilipat sa the Medical City sa Ortigas para sa iba pang gamutan.
