Amnesty para sa colorum drivers at operators, pinag-aaralan ng LTFRB sa Enero ng susunod na taon

IKINU-konsidera ng Pamahalaan ang pagbibigay ng amnestiya sa colorum na drivers at operators na mag-a-apply para sa prangkisa simula sa Jan. 2026.

Ito, ayon kay Land Transportation Franchising and Regulatory Board (LTFRB) Chairperson Vigor Mendoza II, ay alinsunod sa atas ni Transportation Secretary Giovanni Lopez.

Sinabi ni Mendoza na bibigyan ang mga driver at operators ng oportunidad na mailagay sa ayos ang kanilang hanapbuhay.