Alice Guo, pumayag na pangalanan ang most guilty sa POGO operations

NAGSAGAWA ang Senate Committee on Women, Children, Family Relations, and Gender Equality ng Executive Session, kasama si Dismissed Bamban, Tarlac Mayor Alice Guo, para ibunyag nito ang mga detalyeng ayaw nitong isiwalat sa publiko.

Si Senador JV Ejercito ang nag-move na magsagawa ng closed door session kasama si Guo, na kalaunan ay inaprubahan at ginawa ito sa opisina ni Senate Majority Leader Francis Tolentino.

Sinabi ni Ejercito na nanindigan si Guo na hindi ito ang “mastermind” sa POGO operations sa Bamban, at inilarawan niya ang sarili na biktima lamang.