Alden Richards, nanawagan sa 1 airline matapos masiraan ng bike

SA social media idinaan ni Alden Richards ang panawagan sa Cathay Pacific matapos masira ang kanyang bike frame, sa flight pabalik sa Pilipinas.

Sa Instagram, ibinahagi ng aktor ang litrato ng kanyang nasirang bisikleta, kasabay ng pagsasabing “this is very upsetting.”

Sa ngayon ay nahihilig si Alden sa cycling, at nito lamang Mayo ay nakumpleto niya ang 61-Kilometer Bike Ride.

Ang post ng Asia’s Multimedia Star ay ni-reshare ng kapwa aktor at bike enthusiast na si Kristoffer Martin.

Samantala, ayon naman sa isang kinatawan mula sa Cathay Pacific, batid nila ang reklamo ni Alden at kasalukuyan itong iniimbestigahan ng airline.