Mahigit P3 Bilyong halaga ng pinsala sa Agrikultura, iniwan ng Bagyong Kristine

SUMAMPA na sa tatlo punto labing isang bilyong piso ang halaga ng pinsala sa agrikultura ng Bagyong Kristine, batay sa tala ng Department of Agriculture.

Sa report ng D-A, mayorya ng mga napinsala ay bigas, na tinaya sa 152,440 metric tons.

Ang iba pang agricultural commodities na naapektuhan ng bagyo ay kinabibilangan ng mais na nasa 1,461 metric tons; cassava, 126 metric tons; at high value crops na nasa 6,014 metric tons.

Nakapagtala rin ang ahensya ng 2,862 animal losses habang siyamnapu’t walong palaisdaan ang naapektuhan ng kalamidad.