5 katao, kabilang ang Job Order Employee ng Provincial Government ng Leyte, arestado sa magkakahiwalay na Buy-Bust Operations sa Eastern Visayas

ARESTADO ng mga tauhan ng Police Regional Office 8 ang limang drug suspect na pawang nahulihan ng ilegal na droga sa magkakahiwalay na operasyon sa Eastern Visayas. 

Sa Tacloban City, arestado sa buy-bust operation ang isang alyas “Yel,” 45 anyos matapos makuhanan ng sampung sachet ng shabu na tinatayang aabot sa P61,200 ang halaga. 

Sa Oras, Eastern Samar naman dinakip din sa buy-bust operation ang isang alyas “Zarne,” 33-anyos na nahulihan ng mahigit P8,700 na halaga ng shabu.

Sa Palo, Leyte, inaresto ang 53-anyos na si alyas “Inay,” at 29-anyos na si alyas “Char,” sa ikinasang buy-bust operation sa Brgy. San Isidro. Nakuha sa kanila ang mahigit P3,500 na halaga ng shabu habang nakatakas naman ang isa pa nilang kasamahan na si alyas “Toyay,”.