UMAKYAT na sa tatlumpu’t walo ang kumpirmadong bilang ng mga masawi habang sampu ang nailigtas mula sa paglubog ng tourist boat sa Halong Bay sa Vietnam.
Nagpapatuloy din ang paghahanap ng mga rescuer sa mga survivor habang naghahanda sa pagdating ng Typhoon Wipha, na dating Bagyong Crising at una nang nanalasa sa Pilipinas.
Lumubog ang bangka noong Sabado ng hapon habang may lulan na apatnapu’t walong turista at limang crew members, sa isa sa itinuturing na pinakamalagim na Boating Accidents sa mga nakalipas sa taon, sa sikat na tourist area.
Iniulat ng Official Vietnam News Agency na lahat ng turista ay Vietnamese, kabilang ang ilang mga bata.
