BIGO ang Gilas Pilipinas Women sa kanilang Opening Game laban sa Chinese Taipei National Game sa 2025 William Jones Cup sa Taiwan.
Tinambakan ng Chinese Taipei ang Gilas sa score na 85-69.
Nakapagtala si Jack Animam ng 18 points, 9 rebounds, 3 assists, at 2 steals habang nag-ambag si Naomi Panganiban ng 11 markers, 3 boards, 2 dimes, at 2 steals.
Umiskor din si Ella Fajardo ng 10 points habang tig-pito sina Sumayah Sugapong at Vanessa De Jesus.
Hindi naman ito sapat kaya bumaba sa 0-1 ang record ng Gilas sa tournament habang umangat agad ang hosts sa 1-0.
