PORMAL nang iprinokla ng COMELEC si Dating Marikina Mayor Marcy Teodoro bilang nanalong Congressional Candidate sa unang distrito ng lungsod sa nagdaang May Midterm Elections.
Ginanap ang proklamasyon sa Marikina Public Market Function Hall, ilang oras matapos magpulong at talakayin ng Board of Canvassers ang Certificae of Finality and Entry of Judgement na inilabas ng COMELEC En Banc sa kaso ng dating alkalde.
Una nang ikinadismaya ni Teodoro ang pagtanggi ng Marikina COMELEC na iproklama siya, matapos sabihan ng Local Poll Body Office na hintayin muna ang ilalabas na COMELEC Resolution para sila ay mag-convene.
Ipinaliwanag naman ni COMELEC Chairman George Garcia na hindi na kailangan pang mag-isyu ng panibagong resolusyon para sa Board of Canvassers.
