SUPORTADO ng mas nakararaming Pilipino ang pagbabalik ng Pilipinas sa International Criminal Court (ICC).
Batay sa resulta ng April 20 to 24 survey ng OCTA Research na ginamitan ng 1,200 adult respondents, 57 percent ng mga Pinoy ang sumusuporta sa panawagan na muling lumahok ang bansa sa ICC.
37 percent naman ang tutol sa pagbabalik ng Pilipinas sa ICC habang 6 percent ang undecided.
Pagdating naman sa awareness, 85 percent ng respondents ang nagsabing nakita, nabasa o narinig na nila ang tungkol sa ICC habang 13 percent ang hindi aware, at 1 percent ang nananatiling undecided.
