SINIMULAN ni Calbayog City Mayor Raymund “Monmon” Uy ang kanyang ikalawang termino sa pamamagitan ng pagdalo sa Post-Brigada Eskwela 2025 Conference sa Schools Division of Calbayog Conference Room, kahapon.
Tinalakay sa naturang conference ang mga concerns, issues, at mga pangangailangan na natukoy sa nakalipas na Brigada Eskwela, at inilahad ng mga pinuno ng mga paaralan.
Binigyang diin ni Mayor Mon ang kanyang commitment upang mapagbuti ang mga imprastraktura, partikular ang road access sa malalayong eskwelahan.
Ipinaliwanag ng alkalde na sa pamamagitan nito ay magagarantiyahan ang kaligtasan ng mga guro at mas bibilis ang kanilang biyahe patungo sa mga paaralan at pauwi sa tahanan para magkaroon ng mas maraming oras sa kanilang pamilya.