DSWD, nagbigay ng 2,000 food packs sa mga trucker at porters na stranded sa gitna ng Load Limit sa San Juanico Bridge

NAMAHAGI ang Department of Social Welfare and Development (DSWD) ng 2,078 Family Food Packs (FFPs) sa mga trucker at porter na stranded bunsod ng 3-Ton Load Limit sa San Juanico Bridge.

Bukod sa FFPs, nagbigay din ang ahensya ng mahigit apatnaraang bote ng tig-6.6 liters ng inuming tubig at 14,000 pesos na halaga ng financial assistance sa ilalim ng Assistance to Individuals in Crisis Situations (AICS).

Inihayag ng DSWD na sa kabuuan ay mahigit 1.2 million pesos na halaga ng food and non-food items at AICS ang naipamahagi sa mga stranded sa Leyte at Samar, na karamihan ay mula sa iba’t ibang rehiyon.