INISYUHAN ng COMELEC Task Force Safe ng Show Cause Order si Jipapad, Eastern Samar Vice Mayoralty Bet Noel “Nonong” Montallana para magpaliwanag matapos nitong tawaging “abnormal” ang kalabang kandidato sa halalan 2025.
Binigyan ng poll body si Montallana ng hanggang tatlong araw mula nang matanggap nito ang order upang ipaliwanag ang mga sinabi nito sa isang campaign rally noong April 23 sa Barangay Jewaran.
Sa naturang kampanya, hinimok ng vice mayoralty bet ang kanyang constituents na huwag iboto ang mga Evardone dahil nakakasawa na.
Sinabi pa ni Montallana na prematurely born o pitong buwan lamang nang ipanganak si RV Evardone na aniya ay abnormal, kagaya ng ina nito.
Naniniwala ang COMELEC na maaring nilabag ng kandidato ang kanilang Anti-Discrimination at Safe Space Resolutions, na nagbabawal sa mga kandidato at kanilang supporters na magbitaw ng discriminatory remarks sa panahon ng kampanya.
