Umabot na sa 77 porsiento san mga umhanan sa Eastern Visayas an nabutangan sin serbisyo sa patubig han National Irrigation Administration o’ kun NIA.
Sumala kan Engr. Jaime De Jesus, Regional Manager san NIA-Eastern Visayas, masobra 90 mil ka ektarya sin umhanan an natagan serbisyo patubig ngan ine in madudugangan pa sin hirani 27 mil ka ektarya yana ngan sunod nga tuig.
Subay san Regional Irrigation Master Plan san NIA, 117.27 ka ektarya sin umhanan an gin-hihingita nga matagan eksakto nga serbisyo sa patubig.
Igindugang pa ni De Jesus, an communal irrigation system an nagpapabilin nga major provider san irrigation service sa rehiyon.
An NIA in may-ada 461 nga mga Communal Irrigation System projects nga nagseserbisyo sin masobra 409 mil ka ektarya sin umhanan.
