PATAY ang dalawa katao makaraang masunog ang kanilang bahay, sa Tondo, Maynila.
Ang mga nasawi ay kinabibilangan ng limampu’t walong taong gulang na lalaki at kanyang pamangking babae na apatnapu’t tatlong taong gulang.
Sumiklab ang sunog sa Barangay 48, sa Barrio Menu, linggo ng hapon, habang ang iba nilang mga ka-lugar ay nagdiriwang ng kapistahan ng Sto. Niño De Tondo.
Ayon sa mga opisyal ng barangay, siyam na pamilya ang naapektuhan ng sunog na ikinasugat din ng isang senior citizen na nagtamo ng second-degree burns sa likurang bahagi ng katawan.
Inaalam pa ng Bureau of Fire Protection ang sanhi ng sunog.
