SIYAM na miyembro ng New People’s Army (NPA) ang sumuko sa militar sa Northern Samar.
Idinahilan ng mga rebelde sa pag-abandona sa armadong pakikibaka ang gutom, hirap, at panghihingi ng suporta sa mga komunidad.
Sumuko sina alyas Amboy, Jhonry, Lenlen, Adi, Bobby, Ostoy, Boy, Nap, at Yutot, sa 19th infantry battalion headquarters, sa barangay Opong, sa bayan ng Catubig.
Itinurn-over din nila ang anim na armas na kinabibilangan ng isang R4 rifle, dalawang M16 rifles, dalawang improvised M14 rifles, at isang Carbine rifle, kasama ang anti-personnel mine at dalawang bandoliers.
Makatatanggap ang rebel returnees ng agarang financial assistance at sasailalim sa debriefing, healing, at reconciliation sessions para suportahan ang kanilang muling pakikisalamuha sa lipunan.
