Malakanyang, itinangging may kinalaman sa pagkakaalis ni Cong. Zaldy Co bilang pinuno ng Appropriations Committee ng Kamara

ITINANGGI ng malakanyang na may kinalaman ito sa pagkakaalis ni Ako Bicol Party-List Rep. Zaldy Co bilang chairperson ng House Committee on Appropriations.

Sa ambush interview, sinabi ni Executive Secretary Lucas Bersamin na wala itong opinyon sa naturang isipin, kasabay ng pagbibigay diin na ang nangyari ay sa diskresyon ng kongreso.

Inihayag ni Bersamin na “executive” sila, na tumutukoy sa separation of powers sa pagitan ng ehekutibo at lehislatibong sangay ng pamahalaan.