UMAKYAT na sa walumpu’t lima ang bilang ng mga nasawi dahil sa Bagyong Tino, ayon sa Office of Civil Defense (OCD).
Sa naturang bilang, 49 ang napaulat na nasawi sa Cebu; dalawa sa Leyte; tig-isa sa Bohol at Capiz; at apat sa Negros Island Region.
ALSO READ:
Ang pangunahing sanhi ng pagkasawi ng mga biktima ay nabagsakan ng Debris at puno, Landslides, at pagbaha.
Sinabi ng OCD na mayroong dalawampu’t walong iba pang nasawi, bagaman inaalam pa ang mga sanhi.
Bukod dito, mayroon ding labintatlong nawawala sa Cebu at animnapu’t dalawa sa Negros Oriental at Occidental habang labimpito ang napaulat na nasugatan bunsod ng pananalasa ng Bagyong Tino.
