INAASAHANG bibilis ang inflation sa katatapos lamang na buwan ng Hulyo at posibleng lumagpas pa ito sa target ng pamahalaan, bunsod ng tumaas na electricity rates at food prices, at iba pa.
Sa pagtaya ng Bangko Sentral ng Pilipinas, papalo ang inflation o ang bilis ng paggalaw ng presyo ng mga bilihin at serbisyo, sa pagitan ng 4.0 hanggang 4.8 percent.
Kumpara ito sa 3.7 percent noong Hunyo, at 4.7 percent noong July 2023.
Sakaling pumalo sa 4.8 percent ang July inflation, ito ang pinakamataas sa loob ng siyam na buwan mula maitala ang 4.1 percent noong Nobyembre ng nakaraang taon.
