85 child laborers sa Northern Samar, tumanggap ng tulong sa ilalim ng Project Angel Tree ng DOLE

WALUMPU’T limang child laborers mula sa anim na barangay sa San Isidro, Northern Samar, ang tumanggap ng tulong mula sa Department of Labor and Employment (DOLE), sa pamamagitan ng Project Angel Tree, sa ginanap na Child Labor Prevention and Elimination Program Event.

Ang mga benepisyaryo na edad walo hanggang labimpito na mula sa mga Barangay Caglanipao, Palanit, Mabuhay, Alegria, San Juan, at Veriato, ay dating mga naglalako sa mga kalsada, na naglalagay sa kanila sa hindi ligtas na kondisyon.