TINATAYANG 1,300 na gramo ng hinihinalang shabu na nagkakahalaga ng 8.84 million pesos ang nakumpiska ng otoridad at dalawang suspek ang nahuli sa ikinasang buy-bust operation sa Barangay San Antonio, Makati City.
Ang mga suspek ay kinilala sa mga alyas “Wewel,” 28-anyos, at alyas “Madam,” 28-anyos.
Sa isinagawang operasyon ng mga tauhan ng Makati City Police Station Drug Enforcement Unit (SDEU) nakabili umano ng droga na nagkakahalaga ng P1-milyon ang police poseur buyer sa mga suspek na nagresulta ng kanilang pagkaaresto at narekober ang karagdagang mga ebidensiyang umano’y shabu, mobile phone, shoe bag, eco bag, at buy-bust money.
Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa dalawang suspek sa Makati City Prosecutor’s Office.
