15 February 2025
Calbayog City
National

7am to 4pm work hours para sa government agencies sa NCR, isinusulong ng MMDA

NAIS ng Metropolitan Manila Development Authority (MMDA) na i-adjust ang working hours ng national government agencies sa National Capital Region upang maibsan ang mabigat na trapiko.

Naniniwala si MMDA Chairperson Romando Artes na kung lahat ng ahensya ng pamahalaan ay magpapatupad ng 7am to 4pm working hours, mararamdaman talaga ang magandang epekto nito.

Idinagdag ni Artes na posibleng magsumite sila ng report at rekomendasyon sa Office of the President.

Halos dalawang milyong empleyado aniya ang inaasahang makaiiwas sa bugso ng mga commuter sa kasagsagan ng matinding trapik tuwing alas singko ng hapon hanggang alas otso ng gabi, kapag inaprubahan ang kanilang rekomendasyon.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.